National highway sialnaah hmanraw tha lo hmuchhuak

Lawngtlai paltlangtu kawngpui, National Highway 54 sial hna thawhnaah hmanraw tha lo hman a awm tih Young Lai Association chuan an finfiah.
NH 54 sial hna thawhnaah hmanraw tha lo hman a tam tih Central YLA hnena thlen bawhzuiin, May 17 khan Thingkah leh Kawlchaw inkara hnathawh thenkhat chu Central YLA Kumpuan Committee hruaituten an enfiah a, hmanraw tha lo hman an hmuchhuak nual tih thu dawn a ni.
Kawng sial mek endiknaah hian hna thawktu NHIDCL hotute leh an hnuaia thawk PMPL leh ABCI hotute pawh telin, a bikin thir hrui hmanga lung funkhawmah lung tha leh lung chhia chawhpawlh a awm nual tih Central YLA hian an hmuchhuak a. Heng hi thiat a, hmanraw tha chauh hmang turin hnathawktute an ngen.
Kum tam tak chhung Mizoram chhimlamin kawngpui chhia avanga harsatna an tawh hnuah kawngpui tha in a pawh tan chu an lawm viau laiin, hmanraw tha lo hman a ni chu hriatthiam har an tih thu an sawi a ni.
Kumin May 7 khan YLA Lawngtlai AOC Veng Branch chuan an huamchhunga kawngpui siam hna thawh an enfiahnaah hnathawktuten lung chhia an hmang nasa tih an lo hmuchhuak tawh bawk.