Mizoram Science, Technology & Innovation Council (MISTIC) leh Mizoram Mathematics Society (MMS) buatsaihin Nilaini khan ‘National Mathematics Day 2023’ lawm a ni.
He hun hmanpuitu Planning & Programme Implementation secretary Lalmalsawma Pachuau chuan mathematics intihsiaka lawmman dawngtute duhsakna a hlan a. Lehkha zir dan kawngah zirlai awmzia tak tak hre loa zirna, ‘blind by-heart system’ kalsan a, ‘application based’ a inzir kan mamawh tawh tih sawiin, competitive exam leh zirna sang zawkah pawh mathematics chu thil ril zawka ngaihtuah theihna ‘objective thinking’ leh ‘analytical skill’ min petu ber a ni tih ama tawnhriat atangin a sawi. Competitive exam-ah mathematics a pawimawh, tiin, zirlaite chu Mizorama duh tawk mai loa, India ram pum huap inelnaa hmingchhertu ni turin a fuih.
Mathematics lama mi bikte chawimawi a ni a. Mizorama mathematics professor hmasa ber Prof. LP Lalduhawma bakah mathematics-a Ph.D hmu thar mi 6 hnenah chawimawina hi hlan a ni.
Mizorama mathematics intihsiakna lian ber, 15th State Level Mathematics Competition-a level hrang hrang – class 5, 8, 10 leh 12-a zirlai titha zual mi 40 hnenah lawmman sem a ni a. Assistant professor Dr. Mohan Khatri chuan Mathematics Day chungchang leh a pawimawhna a sawifiah bawk.
National Mathematics Day
