Sikkim state-a nungchi hrang hrang enkawlna, humhalh leh zirchianna hmun bakah ram leilung hausakna humhalh kawnga hmalakna zirin Nature Learning Press Study Tour Team, undivided Champhai District-a MJA member 9 leh I&PR department mi pathum chuan Sikkim Himalayan Zoological Park, GB Pant National Institute of Himalayan Environment & Sustainable Development leh Fambonglho Wildlife Sanctuary, ICAR-NRCO Pakyong te an tlawh.
Sikkim Himalayan Zoological Park Bulbuley tlawhnaah hian director Sangay G Bhutia leh DFO Shivani Pradhan ten lo dawngsawngin, Zoological Park hi kum 1997-a din, India rama sahuan zau berte zing ami, hectare 230, hmun sang taka awm a ni tih an sawi. Ramsa chi 17 leh sava hrang hrang an kawl mek. Ramsa neih dan leh enkawl dan bakah Sikkim Environment, Forest & Climate Change department hmalakna dangte an sawi bawk. Gangtok ang thoa hmun sang taka awm Champhaia Satellite Wildlife Rescue Centre dinna tura pawimawh leh tul angte pawh an sawiho.
GB Pant National Institute of Himalayan Environment & Sustainable Development Pangthang an tlawhnaah scientist Dr Sandeep Rawat hoin an lo dawngsawng a. Acre 17-a zauah Himalayan tlang leh a chhehvela nungchi hrang hrang lakkhawma zirchian, humhalh, tihpun leh sum chang thei tura hmalakna awmze nei taka kalpui a ni. Leilung hausakna humhalh leh hman tangkai kawnga hmalakna sawiin, thupui bik hawi project 4 an kalpui a; kum 2019 atanga an kalpui Nature Learning Centre hnuaia hmalak dan an lo sawi.
Kum 1984-a din sq.km. 51.76-a zau Fambonglho Wildlife Sanctuary an tlawh a, thawktuten an hmalak dan an lo hrilhfiah a, an inkawm zui a ni.
Indian Council of Agricultural Research – National Research Centre for Orchids director Dr SP Das sawi danin, nauban chu sumdawnna kawnga pangpar hralh hnem sawm zinga pakhat a ni a, ICAR-NRCO chu thiamna hmanga nauban enkawl leh tih changtlun (scientific improvement) bakah sumdawnna (commercial industry) siam kawnga hmalatu an ni. A hlutna tipung tura sawngbawl (value added product) leh nauban mang mai loh nana humhalh chu an tum a; kumin chhungin hybrid species 16 tlangzarh hman an tum. Kum 5 kalta chhungin training tum 94, mi 2224 tan an buatsaih a ni.
Mizoram Environment, Forest & CC department hnuaia Champhai Forest Division-a Nature Learning Cenre kalpui mek hnuaia hmalakna pakhat, Nature Learning Tour kaltlanga Sikkim-a heti lam an kalpui dan leh Champhai NLC-a chhawr ve theih tur zirchianga kal an ni.
Nature Learning Centre a chhawr theih tur zir
