Mithiam ten nuin nau a pai laia exercise a lak that a, kar khatah ni thum tal second leh third trimesters chunga exer a lak thin chuan a nau chu lian lutuk (macrosomia) tur 50%-in risk a tihniam thei niin an sawi a, nau a len lutuk a, Kg 4 aia rit a nih chuan nu tan neih a hautak a, caesarean delivery (nau zaichhuah) te a tul phah thei thin.
Polytechnic University of Madrid leh European University of Madrid bakah University of Granada-a mithiam ten zirchianna hi neiin, nu naupai lai 510-ah enchhinna neiin, programmed training sessions an neih pui thin a. Nuho chu group-ah thenin, a thenin exercise an la tha lo a, a then chuan nau an pai atanga kar 10-12-na atanga 38-39-na thleng nasa lutuk loin kar tin nithum tal minute 55 chhung exercise an la thin a. Aerobic, muscle strength leh flexibility exercise te an la thin.
Heta tang hian gestational diabetes mellitus-ah danglamna a awm lo tih an hmuchhuak a, mahse, risk lian tak pahnih- macrosomia leh caesarean delivery risk te a tlahniam tih an hmuchhuak. Macrosomia risk hi 58%-in a tlahniam a, caesarean delivery risk pawh 34%-in a tlahniam niin an sawi.
Nau pai laia exer lakin nau an hrisel duh
