Kolasib district-a naupang enkawl lama thawktute chuan ‘Child and Adolescent Labour (Prohibition and Regulation) Act 1986’ an zir ho.
District Child Protection Office Kolasib bultumin Ningani khan naupang enkawltute tan dan hriat tul an inhrilh a. District Task Force on Child Labour nodal officer, SDO (Sadar) H Lalramliana chuan hmanpuiin, mihringin dam khawchhuak tur leh nun nuam zawk hmang turin dikna chanvo kan nei a, naupang zawkten nun zahawm an neih theihnan anmahniin theihna an la nei loa, danin a humhalh a ni, tiin a sawi. Hemi kawngah chuan child labour chungchang hriatchian a pawimawh tih a sawi bawk.
He hunah hian Kolasib district-a naupang enkawlna hrang hrang leh naupang enkawlna lama thawktu District Project Office (ICDS) leh District Child Protection Office thawktute leh Omega Centre Zophai, Audrene Scism Home Khuangpuilam, Enna In Boys Home leh Observation Home Kolasib thawktute, Child Welfare Committee leh Juvennile Justice Board member-te an tel a. Juvenile Juctice principal magistrate Zonunmawia in ‘Child and Adolescent Labour (Prohibition and Regulation) Act 1986’ a zirtir a ni.
Naupang enkawltuten dan zir
