Thawh\anni khan Bihar-a Gopalganj District-a Durga Puja hmangtu mipui pungkhawmte chu an punkhawmna pandal-ah innek buaina awmin vanduaina a thleng a, naupang kum-5 mi leh hmeichhia 2 ten nunna an chan a, mi tamtakin hliam an tawrh thu police-te chuan an sawi.
Police-te chuan he vanduaina thlen dan chungchang hi sawiin an pathian ‘prasad’ la khawm turin mipui pungkhawmte chu an intlar a, naupang kum 5 mi chu tluin mipuiin an rap ang tih hlauin nu pahnih te chuan naupang chu kuahin an bawh nghal a mipui te chuan chil zuiin an pathum hian an boral ta a ni, tiin thil thlen dan an sawi a ni.
“Heng naupang leh hmeichhe pahnihte hnunga lo kal hmeichhia 13 leh naupangte hian hliam na tak an tuar a, Sardar Hospital-ah hruai nghal niin naupang kum 5 mi leh nu pahnih te chu an thi nghal a ni.
Hliam tuar dangte pawh an dinhmun a \ha lo hle a ni,” tiin Superintendent of Police chuan a sawi a ni. Hetih lai hian he thil thlenna hmun hi uluk taka vil niin hruizen hmanga hung kual nghal a niin he thil thleng hi ngun taka thunun nghal a nih thu police SP chuan a sawi bawk.
Naupang kum 5 mi Durga Puja innek buainaah thi
