Naupang model tura inbumna vangin mi pahnih man tawh
October thla khan mi pahnih chuan naupang modeling tura inbumna kalpuiin, Delhi leh a chhehvelah mi 197 an bum niin Delhi police te chuan an sawi a, he scam hi ‘Lotus Star Kids’ tiin an kalpui niin an sawi.
Police te sawi danin, naupangte chu modelling nihna hun remchang sawihmuhin, brand deal siam thlengin an tiam an ti.
Dwarka a hmeichhe pakhat chuan he thil avang hian nuai 5 a hloh hnuah police hnenah thlenin, facebook a advertisement a dawn chu chhang letin, Telegram group lamah an hruai lut a, chutah chuan bum hmangte chu an che ta niin a sawi.
Hemi hian a sawi dan chuan, ‘nitin advertisement a hmuh fo thu leh, thlalakah chuan naupang hlim tak takte chu thawmhnaw mawi tak tak ha chungin, brand lian tak takte nen an thawk dun tih hriat tak hian an lang thin a, chumi ka va click tum chuan ka fanu chu an naupang duhawm zawn ngei a nih thuin an rawn chhang a, min be zui chho ta zel a ni,’ a ti.
Bum hmangte chuan testemonial lem leh brand hming lem hmangin nu leh pate hi step in dawt dan te te in an bia a, sum invest tura thlem zuiin, a tirah chuan an rin theih nan hlawkna tlemte an pe let leh a, a hnuah sum tam zawk invest turin an thlem zui tih sawi a ni bawk.
He thil titute hi police te chuan Delhi khawpui chung Nangloi atanga manin, an hnen atang hian cheng vaibelchhe 4.7 an laklet thu leh, mi an bumdan leh inhnamhnawih dang an awm em tihte an chhui zui mek thu an sawi.
Naupang model tura inbumna vangin mi pahnih man tawh
