Naupangte chunga hleilenna, hursualna leh thil dangtea naupang laka pawikhawih case, POCSO Case an tih hi Mizoramah hriat tur a awm ve deuh reng a, tun hnai kum li chhungin chutiang case chu 400 chuang a awm.
CID (Crime Branch) te’n an chhinchhiah danin, 2020 atanga 2023 thleng khan Mizoramah POCSO Act hmanga thubuai ziahluh hi 439 a awm.
PCOSO (Protection of Children from Sexual Offences) Act hi India ramin 2012-ah a hmang tan a, kum tling lote humna atana dan siam niin, kum 18 hnuai lamte laka pawikhawihna thil chu he dan hnuaiah hian rinluh a ni.
Mizoramah 2020-ah khan POCSO case hi 110 a awm a, 2021-ah 113, 2022-ah 97, 2023-ah 119 a awm.
Pawngsual (rape) case pawh Mizoramah a tam a, tun hnai kum li chhungin police te’n case 105 an ziaklut.
CID (Crime Branch) te’n an chhinchhiah danin, 2020-ah khan pawngsual case hi 36 a awm a, 2021-ah 25, 2022-ah 16, 2023-ah 28 a awm.
Naupangte chunga hleilenna lamah case 400 chuang
