Richard Plaud chuan nawhalh kuang (matchstick) hmanga thil lem siam sang ber record siam a tum a, mahse, a nawhalh kuang a hman chu a dik lo tiin Guinness World Record lamin record-ah an pawm sak ta tlat lo. He French pachal hian nawhalh kuang 7,06,900 hmangin Eiffel Tower lem hi kum 8 chhungin a siam zo a, feet 23.6 a sang a ni.
Guinness World Record-in nawhalh kuang hmanga Eiffel Tower lem siam sang bera a pawm lai chu Lebanese artist Toufic Daher-a’n 2009 a nawhalh kuang maktaduai 6 hmanga a siam zawh niin, ani hi Eiffel Tower lem siam hi feet 21.4 a sang a ni ve thung.
Plaud chuan Guinness Book of World Records atangin chanchin lawmawm loh tak mai hi kar liamta khan a dawng niin a sawi a, a nawhalh kuang hman chu mi nawlpui lei theih tura zawrh chhuah a ni lo a an hriat avangin an pawmsak lo niin a sawi a, “Guinness Book endiktu te hian ka thil siam hi a takah pawh hmu lovin thutlukna an siam ta mai a ni,” a ti.
Plaud chuan Guinness atanga a thu dawnin record siam nan chuan nawhawlh kuang chu mipui lei theih tura zawrh chhuah ngei a ni tura ni a, siam danglam tur a ni lo va, tihbun emaw a nihna hriat theih loh khawpa elh kawih emaw te phal loh niin a sawia. Plaud chuan nawhalh lu bawk, a alh thei lai tur chu mahni tihbun chawp zel a nin avangin company pakhat atangin a lubawk awm lo, a kuang ringawt a order ta niin a sawi.
Nawhalh kuang 7,00,000 chuang hmangin Eiffel Tower lem siam
