NCC-in ruihhlo that loh zia zirtir
National Cadet Corps (NCC) Group Hqrs. Silchar thuchhuak bawhzuiin, Combined Annual Training Camp-90 kal mekah Inrinnni khan 2 Mizo Battalion NCC Lunglei chuan Lunglei Lunglawnah Vibrant Village Programme an hmang.
Vibrant Village Programme-ah hian commanding officer Col. Sagar K. Mohanty hoin 2 Mizo Bn NCC officer leh staff-te, NCC cadet 247 leh Lunglawn Local Council member-te, YMA hruaitute leh khawtlang mipui 87 vel an tel a. Zuk leh hmuam leh ruihhlo do kawng zawh buatsaih niin, NCC cadet-te leh khawtlang thalaiten inhmelhriatna football leh volleyball an khel a. Excise & Narcotics Department official-ten ruihhlo leh zuk leh hmuam that lohzia an zirtir a ni.
He programme hi khawtlang mipuiin vaihlo leh ruihhlo that lohzia inzirtir tharna atan, infiamna leh hriselna lama thalai fuihtu atan leh sawrkar leh khawtlang thawh hona tha pawimawh zia zirna atan an hmang a. Cadet-te pawhin vaihlo leh ruihhlo that lohzia, hruaitu nih leh midang nena thawh ho dan leh khawtlanga mawhphurhna hrang hrang zirna atan an hmang bawk.
NCC-in ruihhlo that loh zia zirtir
