Site icon The Aizawl Post

NE Film Festival 2023-ah Napoleon RZ Thanga film siam ‘A Star is Born’-in award dawng

NE Film Festival 2023-ah Napoleon RZ Thanga film siam ‘A Star is Born’-in award dawng
Napoleon RZ Thanga documenatry film siam ‘A Star is Born’ chuan March ni 24-26 chhunga Mumbai-a neih North East Film Festival-ah Best Documentary (Silver) Award a dawng a, Joshy Joseph siam ‘Mizo Soundscapes’ pawhin Best Documenatry Film (Gold) a dawng bawk. Napoleon-a award hi Bollywood star, hranghlui Poonam Dillonleh Manipuri filmstar Lin Laisram ten an hlan a ni.
‘A Star is Born’ documentary film hi minute 28 a sei niin, hmeichhe naupang zaithiam, Mizoram mai nilo, India ram huap pawha hriat hlawh, Lunglei hmeichhe naupang kum 4 mi, Esther-i chanchin tarlanna a ni.
He NE Film Festival ah hian Information & Broadcasting Ministry atangin Armstrong Pame, IAS, Director (Films) telin, ani hian a bul tan atanga a tawp event a uap hneh hle a, ani ho hian panel discussion neih a ni a, hetah hian NE film siamtute tana hamthatna ngaihtuah zel a tum thu a sawi lang nghe nghe a ni.
Award dawng dangte chu- Best Feature Film (Gold) ‘Nine hills and a Valley’ Haobam Paban Kumar, Best short Film (Gold) ‘Lembi leima’ Bijou Thanjam te an ni a. Category pathum Documentary, Short leh Feature Film-ah Gold, Silver leh Bronze Award a awm bakah, Best Director Gold Silver leh Bronze Award Category pathumah a awm bawk a ni.

Exit mobile version