India first Prime Minister Jawaharlal Nehru hming chawia Nehru Museum Memorial and Library chu Prime Minister’s Museum and Lobrary Society tia a hming thlak a ni.
Nehru Memorial Museum and Library (NMML) Society special meeting Defence Minister Rajnath Singh kaihhruaia neihah leh thutlukna siam a nih thu Ministry of Culture chuan a puang a.
Thuchhuah chuan NMML Executive Council chuan hming chuan institution activity tun dinhmun zel a pholang turah ngaiin tunah chuan museum pawh Indipendent India democracy zinkawng tarlanna te dahin Prime Minister tin tena ram siamthat nan an thawh tawhna te tarlan a ni a ti a.
He museum hi Prime Minister lo ni tawh tin te puala siam ni se tih chu PM Narendra Modi-an kum 2016 daih tawh khan rawtna a lo siam tawh a ni an ti bawk a.
Chumi hnuah NMML Executive Council chuan November 2016 a 162nd meeting an neihah Teen Murti Estate ah Museum for all Prime Ministers din ni se tiin he project hi zawhfel a nih hnuah April, 2022 khan ‘pradhanmantri Sangrahalaya’ chu mipui hmuh theiha awn a ni an ti bawk.
Chairman of the NMML Executive Council Nripendra Misra chuan hming thlak nia Prime Minister’s Museum tih chuan amin democracy humhim a duhna inpekna tarlanna niin hei vang hian hming hmangin institution chu hriatfiah mai theih a nih phah a ni a ti bawk.
Nehru Museum hming thlak
