Israeli Prime Minister Benjamin Netanyahu’s office chuan Gaza mipui tam ber tena inhumhim nana an tlankhawmna Rafah ah operation neihna tura ruahmanna chu a pawmpui tiin a sawi.
Netanyahu chuan ‘Rafah a chetlak dan tur ruahmanna a pawm a ni’ tiin a office thuchhuah siam chuan a tarlang a, a hun tur erawh tarlan a ni lo thung a.
Thuchhuah chuan Israel sipai te chuan operation neih dan tur leh civilian te him taka thiarchuhah dan tur pawh an ruahman tiin a sawi bawk.
Rafah hi mipui tamna hmun Israel in lei lam atanga a la beihloh awm chhun niin nikum October 7 a Hamas tena southern Israel runa mi 1,200 chuang kahhluma mi tam tak lung in tang tura an hruai hnua indona chhuakah inremna siam hleihtheihin a la awm lo a ni.
Israel in Hamas te laka phuba laa a beihlet naah Gaza ah mi 31,490 chuangin nunna an chan tawh a. Nunna chan zinga a tam ber te chu hmeichhia leh naupang te an ni tiin Hamas te enkawl health ministry chuan a sawi.
US President Joe Biden, Israel thlawptlattu chuan tun hnaiah Israel chu Rafah khawpui chu civilian protection plan tha tak siam lo chuan luhchhuah lo turin a ngen a ni.
US Secretary of State Antony Blinken chuan karkalta Zirtawp khan Vienna a tlawhnaaqh Washington chuan Rafah operation plan an la hmuh ve loh thu sawiin mahse civilian tena tawrhna an neih loh nan chiang leh fiah taka ruahmanna kalpui a nih a rin thu a sawi thung a. Israel chu run lo turin emaw ngenna a siam lo thung.
Netanyahu-an Rafah beih remtihna pe
