Aizawl New Market building sak mek chu vil ngun deuh turin PC party chuan sawrkar thuneitute an chah.
PC Gen. Hqrs. thuchhuak chuan, Commerce & Industries minister Dr R Lalthangliana’n New Market building sak mek tlawha a tha thei ang bera sa tura thawktute a fuih chu lawmawm a tih rualin, he building sak mekah hian cement, iron rod leh balu tha tawklo an hman avanga siamtha leh tura Mizoram First pawhin complaint an lo neih hial tawh a nih avangin, ngaihthat thlak loh an tih thu a sawi.
‘He hna kal mek hi hmanraw tha leh rintlak zawk nena thawh ngei a nih theihna’n minister fuihna piahlamah hian contractor-te hnathawh leh hmanrua endika vilchilhtu dah ngei nise kan duh a. Tuna hna kal mek pawh hi tun aia chak zawka thawk turin hnathawktute kan ngen a ni,’ a ti.
New Market building sak mek vil ngun turin sawrkar ngen
