Ranchi khawpuia FIH Women’s Olympic Quali-fier bul an \annaah Inrinni khan ranking-a hniam zawk United States lakah sikhat faiin India hmei-chhe hockey team an tlawm ringawt a, Paris Games khelh tuma an beih mekna kawng a chho zual sauh a, mahse, Pa-thianni zan khan Ranchi-ah vek kawng dik zawh zui leh nghalin, New Zealand laka 3-1 hnehna nen Olympic ticket beiseina a nung thar.
India pool match hma-saberah khan Lalrem-siami Hmar chu bul\antu zingah tel loin, New Zealand game-ah erawh luhhmasak a chang a, India team a chakpui.
Pathianniah chak loh thiang tawh lo India nulate’n thapui thawhin vawikhat chak tawh New Zealand lakah hnehna an sualchhuak a, India chief coach Janneke Schop-man chuan a naute a zilh hlawhtling!
Inrinnia hmeichhe hockey ranking thar tar-chhuahah India team tlahniamin pasarihnaah an awm a; ranking-a hnungtawlh chungin an Pool B match hmasa-berah an hneh ngei tura ngaih American nulate lakah an mualpho a, khami zan inkhel dangah New Zealand chuan sithum faiin Italy an hneh ve thung a, India din-hmun a derthawng hman.
New Zealand lakah Siami’n penalty corner vawirukna hlawhchhuak ve bawk mah se goal-a hlaptu Udita shot chuan O’Hanlon a pel zo lo.
Ti hian, khelh hniha vawikhat chak India hian Pool B table-ah pahnihna luahin, la chak ve ve USA hnuaiah an awm a; nizan an final pool match-ah India hian Italy an tum leh a, New Zealand leh USA inkhel result nen tarlan hman a ni ta lo.
New Zealand lakah India chak
