NH-44 siamthatna tur pek
thuai theihnan hma lak tiam
Union minister of state for Ministry of Road Transport & Highways chuan National Highway-44A leh 108 siamthatna tur pek chhuah thuai a nih theihna hma a lak tur thu a sawi.
Zan khat riaka Mizoram tlawhtu Union MoS for MoRTH Harsh Malhotra chu Ningani tlai khan PWD minister Vanlalhlana chuan Raj Bhavan-ah hmuin Mizorama inkalpawhna tihchangtlun kawngah PWD-in harsatna an tawh hrang hrang a thlen a. Ministry-a project proposal an thehluhte rang taka hma laksak turin a ngen.
PWD minister-in National Highway-44A/ 108 siamthat hna thawk chhunzawm leh tura hmabak (balance work) atan a estimate an thehluh thu a hrilh chu Union minister of state hian he hna hi thawh tan mai theih turin ruahmanna a awm tih sawiin, fund sanction thuai a nih theihnan hma a laksak tur thu a sawi. Heng bakah hian proposal hrang hrang an thehluh chu ngun taka an lo enzui tur thu a hrilh bawk.
PWD minister hi chief engineer (Highways) H Zoramliana’n a tawiawm a ni.
NH-44 siamthatna tur pek thuai theihnan hma lak tiam
