uiin an paih thlak tak, K P Sharma Oli-a chu sipai barrack atangin a mi mal hmunah a insawn ta a, ni kua lai Nepalese Army venhimna hnuaiah a awm hman a ni.
Oli-a hi September 9-a thalaiten lungawi lohna lantira tharum nasa taka an thawh vanga a bân hnuah Kathmandu hmar lam, Shivapuri ram ngaw kara army barrack-ah helicopter-a phurh luh a ni.
Nepal Army venna hnuaia ni kua a awm hnuah Communist Party of Nepal (Unified Marxist-Leninist) (CPN-UML) chairman hi a mi mal inah a kir leh ta tih Nepal Army chuan Ningani khan an sawi.
A khawsakna hmun erawh a him zawk nan an puang chuang lo va. Chanchinbute erawh chuan Oli-a hi Kathmandu khawchhak lam km 15-a hla, Bhaktapur district-a Gundu huam chhunga ama inah a awm niin an tar lang hlawm.
Gen Z tia insawi mipui lungawi lote khan September 9 khan Balkot, Bhaktapur-a a in chu an hal chhiatsak vek a. Mipuiin Balkot-a Prime Minister’s Office thenkhat an hal chhiat lai khan sorkar hmun, prime minister chenna tura tiha a awm lai a ni bawk.
Oli-a hi Nepal Army puihnain helicopter-a phurh chhuah a ni a, an hmunah an dah ta a ni.
Oli-a bakah hian prime minister hlui dang – Pushpakamal Dahal, Prachanda, Sher Bahadur Deuba, Jhalanath Khanal leh Madhav Kumar Nepal leh hruaitu lawk dangte pawh ni eng emaw zat sipai venna hnuaiah an awm bawk a. Tunah erawh chuan Nepali Congress President Deuba leh a nupui, foreign minister hlui, Arazu Rana Deuba te tih loh chu anmahni hmunah an haw leh vek tawh a ni.
Ni kua sipai barrack-a a awm hnuah Nepal PM hlui haw
