Tunhnaiah Nigerian zingah Guinness World Record siam an awm neuh neuh a, record holder thar an awm leh ta. Lola Mewu chuan milem ziak rei ber record a siam a, a milem ziah mek laiin a lemziak thenkhat chu an lilam nghal zel bawk a ni.
Lola Mewu hian October ni 28, 2023 atanga lem ziak tanin, October mi 31, 2023 thleng a ziak a, hetih chhung hian milem chi hrang hrang a ziak hman a, a lemziah rei zawng hi darkar 72 niin, a hmaah hetiang record siamtu France lam mi Roland Palmerts a darkar 60 record a rawn khum a ni. Ronald Palmerts hian darkar 60 chhunga milem 60 ziakin record a lo siam tawh a ni.
Lola lemziak tam zawk chu a naupan lai thil tawn behchhan a ni a, classroom-a an infiam lai te, call centre a tlawh tuma a thil tawn leh tukverh atanga a dak chhuak lai te pawh a lemziah zingah hian a tel.
Nigerian dancer Kaffy chu Lola lo fuihphur turin a awm ve a, ani bakah hian Nigerian influencer Saskay leh Adegerself te pawh Lola tawiawmin an awm ve a ni.
Ni li chhung lem ziakin Guinness World Record siam
