US Marine veteran, ke pahnih tan tawh (bilateral amputee), Michael “Mike” Egan chuan November ni 10, 2025 khan chhun ni sa leh zanthim karah pawh Morgan’s Wonderland Sports Complex, San Antonio, Texas, USA-ah chuan a wheelchair-in a innawr kual tang tang a, tum a nei a, chu sports complex-a intlansiakna kawng kual chu vawi 720 tal hel chhuah hman a tum a ni.
Tichuan le, a tum chu a hlen ta, darkar 24 chhungin wheelchair-in vawi 720 a kual chhuak hman a, chu chu darkar 24 chhunga mel 152.37 (km 245.2) innawr lir hman ang a ni a, Guinness World Record a siam ta a ni. A hmaa hetiang record chu Portuguese paralympian Mario Trindade-a’n 2007-a a siam niin, ani hian darkar 24 chhungin wheelchair-in km 183.4 a thleng thei a, he record hi Mike hian a rawn khum chiang hle a ni.
Fa pahnih nei tawh Mike hian 2012 khan Afghanistan-a a sipai duty-naah chilpuah bomb avangin a ke pahnih hi a lo chan tawh a. Vawi 40 chuang zai a tawk a, 2014 January thla khan sipai atangin a chawl ta a, chumi hnuah fitness lamah tuiin, midangte fuihphurtu tha tak a ni zui ta zel a ni.
Nikhata wheelchair a kal thui ber
