Mizoramah lirthei a pung chak a, kar khat chhung pawhin a pung viau hman zel. Kuminah pawh a pung nasa a, lirthei thar a tam leh tawh.
Kum a la ral lo a, mahse kuminah hian nikum kum tluana lirthei thar aia tam Mizoramah lirthei thar a awm tawh.
Transport department chhinchhiahnaa a lan danin, kumin hian Mizoramah lirthei thar 30,334 a awm tawh a, 2025 kum tluana lirthei thar awm zat kha pasarihin a khum tawh. Nikum khan lirthei thar hi 30,327 a awm.
November-ah ringawt pawh lirthei thar a awm leh nual tawh; ni 4 a liam chauh a, lirthei thar hi 158 a awm leh tawh.
Thla liam ta October-ah khan Mizoramah lirthei thar 3,126 a awm a, kumina lirthei thar tam ber thla Julu-ah chuan 3,501 a awm.
Transport department-in an chhinchhiah danin, February thlaah khan lirthei thar 2,481 a awm a, kha kha kuminah a tlem ber thla a ni.
Lirthei tam lamah 2026-in 2025 a khum tawh laiin lirthei atanga sum lut (revenue) erawh kuminah kum hmasa aiin a tam rih lo; 2025-ah khan Rs 43,74,97,651 hmuh a ni tawh a, 2025-ah khan Rs 48,86,31,988 hmuh a ni. Amaherawhchu, thla hnih a la awm a, nikum hi khum theih chu a la ni.
Kumina lirthei thar awm tawh zat
Jan 3,228
Feb 2,481
Mar 3,112
Apr 2,821
May 3,020
Jun 3,104
Jul 3,501
Aug 2,858
Sep 2,978
Oct 3,126
Nov 158
Nikumah aiin kuminah lirthei thar tam tawh
