Kum 2023 chhung khan Mizoram TB natna vei 2176 hmuhchhuah an ni a, mi 108-in an thihpui.March 24 kha World TB Day a ni a, Pathianni a nih avangin Mizoramah chuan March 23 – Inrinni khan he ni denchhen hian hun hman a ni. Health department-a TB enkawlna lama hotute chuan vulnerable group – TB kai an tam theihna hmun thlan bikna hmunah hmang tura an ruahman angin veng bilah emaw District Jail-ah emaw te hman a ni.
Nikum chhung khan Mizoram pumah TB vei rinhlelh 14273 endik niin, TB vei mi 2176 hmuhchhuah an ni a. TB avangin mi 108 an thi. 2023 chhungin MDR-TB (Benvawn) 115 an awm. Mizoramah chawhrualin nitin TB vei thar mi 6-7 zel hmuchhuak anga chhut a ni.
Aizawlah chuan National TB Elimination Programme leh local council ruahmanna in Maubawk Veng leh ITI Vengah TB free clinic neih a ni a. ITI leh Maubawk team-ah inthenin chawhma dar 10.00 atangin inentir a ni. Local council hruaitute, State TB officer, District TB officer leh TB dam leh ten thu an sawi a, TB chungchanga inhrilhhriat a ni.
1882 March 24 khan TB hrik hi German doctor Robert Koch chuan a hmuchhuak a. TB vei zinga zaa 85-90 chu Chuap TB an ni a. Midang an kaichhawng thei. TB vei zaa 10-13 chu Chuap pawnlam TB – ruh, ril, thalbe, kal, vun leh a dangte a ni.
Nikumah TB vei 2176 hmu
