Senior SP Traffic chuan nipui lai, February 18 atanga September 29 thlenga Aizawl khawpui chhunga lirthei intlanchhawk dan tur a hun (timing) chu sawrkar hriattirna dinglai leh danin a phalsak angin thlak danglam a ni tih thupek a chhuah.
Lirthei zawng zawng – mimal, sawrkar leh bungraw phur lirthei, district dang lirthei leh state pawn lirthei register-te huamin intlanchhawk hian zing dar 9.30 atanga tlai dar 6.00 thleng a huam anga; intlanchhawk hian Inrinni, Pathianni leh sawrkar holiday a huam lo.
Taxi (LMV leh two wheeler) te chu sticker A, B leh C hmanga intlanchhawk kalpui mek angin zing dar 9.30 atanga tlai dar 6.00 inkar an intlanchhawk anga, Inrinni bikah chawhnu dar 1.00 atangin taxi (LMV leh two wheeler) te an vaia tlanchhuah phalsak an ni. Pathianni leh sawrkar holiday ah pawh taxi (LMV leh two wheeler) te an vaia tlanchhuah phalsak an ni.
Nipui laia Aizawla lirthei intlanchhawk dan duang
