Karleha New Delhi-a neih tur NITI Aayog Governing Council inbuatsaihna atan Ningani khan chief minister Lalduhoma hoin thutkhawm a ni.
Planning & Programme Implementation secretary Lalmalsawma Pachuau chuan NITI Aayog Governing Council hnuhnung berin a rel, Mizoram sawrkarin a bawhzui ngaite a bawhzui dan a sawi a. Chumi hnuah tuna Council thutkhawm tura an inpuahchah dan sawifiah lehin, line department-ten hma an lakna an sawifiah bawk.
NITI Aayog hi Union Cabinet-in kum 2015-a a din a ni a. Prime minister chu chairman niin, state leh UT zawng zawng chief minister-te chu member an ni. NITI Aayog bultum hian Viksit Bharat 2047 kalpui mek a ni a. Kum 2047 hmaa India ram chu ram changkang (developed country) a hlankai tumna a ni.
NITI Aayog thutkhawm thlirlawk
