FIFA World Cup 2026 Canada-a opening ceremony-a a perform hnuah Bollywood star Nora Fatehi chu Bollywood artist zinga Google-a zawn nasat ber a ni zui nghal. Nora Fatehi hi Canada-a opening ceremony-a a peform avang hian ngaihven a hlawh thar hle a, a chanchin ngaihventu an pung nghal luai mai a ni.
tunah chuan Nora hian Bollywood leh Hollywood star ni kawp Priyanka Chopra chu Google-a zawngtu ngah lamah rawn khumin, zawn hlawh ber a ni ta a, Alia Bhatt leh Deepika Padukone te pawh a khum rih tlat.
Nora Fatehi hian June ni 12, 2026-a Canada-a FIFA World Cup opening ceremony-ah hian World Cup puala a hla ‘Siir Siir’ a perform a, French artist Vegedream leh producer Sanjoy te nen an cheho a, Nora hi stage-ah a inthingvir mawi thiam vel hle a ni. ‘Siir Siir’ video hian darkar 24 chhungin Youtube-ah vawi maktaduai 20 chuang en a hlawh zui nghal nghe nghe a ni.
He Moroccan-Indian actress, dancer leh zaithiam ni bawk hi FIFA stage-ah a tum khat inlanna a ni tawh lo a, 2022 khan FIFA World Cup closing ceremony-ah a lo perform tawh bawk a ni.
Nora Fatehi Bollywood star zawn hlawh ber
