North Korea in an danpui siamtha, South chu hmelma ti

North Korea in an danpui siamtha, South chu hmelma ti
North Korea ram chuan an danpui siamthain, an thenawm South Korea chu ‘hmelma’ tiin a thlak.
He an danpui thlak thu hi an ram hruaitu Kim Jong Un chuan inkalpawhna kawngpui hrang hrang an khar hnuah a sipaite hmaah a sawi a, an ram thenawm sawina apiangah ‘hmelma’ ti hlira thlak a nih tak thu a sawi.
North leh South lam hi an kalphung inang lo mahse, kawng tam takah erawh an inhrethiam tawnin, unau anga inenna chin an la nei reng thin a, tunhnaiah erawh inhmelmakin, an inngeih lo zual hle bakah, indo thei reng an ni thung tawh a ni.
Kar liamta khan North Korea lam hian an danpui siamthain, an parliament an thutkhawm thu an sawi a, report chuan an tihdanglam zawng zawng hi tarlang lo mahse, an thenawm ram erawh ‘hmelma’ tia an thlak thu an sawi chiang hle a ni.