South Korea spy te chuan Ukraine sipaite do a, Russia tanpui turin North Korea chuan a sipaite tam tak a tir ngei tih a sawi.
Ukraine president Volodymyr Zelensky chuan a hmain North Korean sipai sing khat chuangin indona chu an lo zawm tawh tih sawiin, Russia sipaite lamah tangin, an puih thu hi a lo sawi tawh bawk.
South Korea president Yoon Suk Yeol chuan zirtawpni khan security meeting koin, engkim a chian tawh thu a sawi a; hei hi North Korea lam chet dan an hrechiang tawh a tihna a ni.
South lam spy te chuan North sipai troops 1500 chuang chuan Russia an thleng tawh a ti a, South Korea media te chuan 12,000 chuang chu Russia thleng tawhin a tarlang ve thung.
Moscow leh Pyongyang hi inthiantha leh inngeih tak an ni a, North lam hian Russia hi kawng engkimah a pui nasa hle a, a missile tha ber ber pawh Ukraine kah nan hian a lo hmantir tawh niin report thenkhat chuan an tarlang bawk.
Hetih lai hian North Korea leh Russia chu hemi chungchangah hian an la ngawi ve ve a, thudik a nih leh nih loh pawh an la sawi lo thung.
North Korea in Russia sipai pui tur a tir ngei
