North Korea in sipai mtd khat chuang nei thar

North Korea in sipai mtd khat chuang nei thar
North Korea media te chuan nilaini khan an ram thalai maktaduai khat chuangin tunkar chhung ringawt pawhin sipai hna an zawm thar thu an sawi.
Report a tarlan a nih danin heng mite hian an ram chhanhim nan leh a tlukchhiat loh nan ram venhim an duh a, sipai tang tur hian an inpe a ni, a ti a. An zingah hian zirlai rual an tam hle thu tarlan a ni.
North Korea hian an sipai, Korean People’s Army (KPA) te chu puih ngai an nih thu an tihchhuah hnu lawkah mi maktaduai khat chuang chuan an sipaite hi an zawm nghal a, hei hi South lam nen a inrina bula indona chhuak thut thei laka inven lawk nan a nih thu an sawi.
Thawhlehni khan South Korea chuan ramri a inkalpawhna kawngpui North lamin an khar thut avangin thuchhuah an lo nei tawh a, an sipaite chu kawngpui tihchhiat a nih chuan North lam kap nghal turin thupek a lo chhuah tawh a ni. Hemi a nih avang hian Pyongyang chuan inralrin nan sipai hi a lak belh vak ni ngeiin report thenkhat chuan an sawi hlawm.