North Korea kap turin South Korea an inring
South Korea sipaite chu North lamin an inkalpawhna kawngpui an tichhe thut a nih chuan kap nghal tura thupek niin, an inralring tawh hle.
North lam hian kar hmasa lam khan indo chhuah palh thutah an inkalpawhna kawngpuite chu an lo khar tawh a, hei hi South Korea lam chuan an hrethiam lo hle. North lam chu indo tura inruahmanah ngaiin, thil duhawm lo engmah thleng a awm lo chunga kawngpui an khar thut chu an thinrim hle a ni.
South Korea sipai hotu lawk pakhat chuan, ‘Kawngpuite hi ram pahnih inunauna lantirna pakhat, pawimawh em em a ni a, hun rei tak chhung kan lo hman tawh a ni,’ tiin. North lam thiltih dan chu a dem hle a, ‘hetiang a nih avang hian loh theih lohin keini pawh kan inrin a tul tawh a ni, kawngpui hi an tichhe thut a nih chuan kan kap nghal ang,’ a ti.
South Korea hian an sipaite chu inralring tura chahin, ramri hnaih khuaah te indona a thlen palh pawha che nghal thei turin a awm belhtir nghal a, an sipaite chu an ram chin humhim chu an kut a nih thu an hrilh nasa zual hle.
North Korea kap turin South Korea an inring
