North Propaganda master vuiliam

North Korea propaganda master thin Kim Ki Nam chu kum 94 mi niin Nilaini khan a thi tiin North Korea state media chuan a tarlang.
Kum upa tak ni tawhin taksa bung hrang hranga fel lo awm avangin kum 2022 atang khan enkawl tawh a ni tiin official KCNA chuan a tarlang a.
North Korea-ah kum tam tak propaganda lama hotu lu niin chumai bakah ruling Kim dynasty te personality cult awm theih nana ruahmanna siam bertu a ni bawk.
North Korean leader Kim Jong Un chuan Nilaini zing lama vuinaah telin veteran revolutionary chu sorkar tana a thih thlenga rinawm chu a fak a ni tiin KCNA chuan a tarlang bawk.
South Korea-a Yonhap news agency thung chuan Kim Ki Nam chu Nazi Germany propaganda boss Joseph Goebbels, ‘dawt chu i sawi char char chuan thudikah a chhuak mai’ tih mantra kalpuitu nen a khaikhin thung.
Kim Ki Nam hian ruling patriarch ah family name inang nei mahse thisen zawmpui a nei lo va, Kim tih chu North leh South Korea a hming common tak a ni.
Kum 1966 khan deputy director of Pyongyang’s Propaganda and Agitation Department hna a thawk a, Kim Jong Il, tuna leader ni mek Kim Jong Un nena inhnimhnai em em a ni a. A hnuah he department hi a enkawl zui ta a ni.
Kim Ki Nam leh Kim Jong Il kha an inkawmngeih hle nia sawi niin media report tam takah cuan ‘drinking buddies’ tiin an sawi.
Kum 1970 khan state mouthpiece, Rodong Sinmun newspaper enkawltu atana ruat a ni a.
A hnuah North Korea founding father anga ngaih Kim Il Sung chu North Korea history a a dinhmun turu taka dah a nih theih nana hmala tur leh Kim Jong Il leadership tinghet tura hma la tura tih a ni tiin North Korea Leadership Watch te chuan an sawi.
Kim Ki Nam khan North Korean official tlemte South tlawh awm chhun zinga mi niin South Korean president hlui Kim Dae-jung kum 2009 a thita vuinaah a tel a ni.
Kum sawm tam state political slogan ruahmantu berah tang bawkin media leh publishing operation lamah a inrawlh thuk hle a, fine arts lam thlengin a inrawlh vek bawk.
Propaganda lam thiam tak niin chu chu kum 2001 a Kim Kong Il thih thutah khan a lang chiang hle tia sawi a ni a. Kim Jong II a thih avangin a fapa Kim Jong Un kum 20 vel leka upa chu leader atana dah nghal a ngai bawk si a.
“Kan party-in revolution, kan sipai leh mipuite Kim Jong Un an fing taka a kaihhruaina hnuaia hmasawnna hi hi he leia eng thil mahin a dang thei lo” tiin King Jong Il thih hnu lawkah KCNA report chuan a tarlang nghal a.
“Kim Jong Un kaihhruaina hnuaiah kan lungchhiatna te chu chakna leh huaisennaah letin harsatna kan paltlang ang” tiin report chuan a tarlang bawk.
Kum 2015 khan state media thlalak tihchuahah Kim Ki Nam khatih laia kum 80 vel ni tawh chu military official te nena Kim Jong Un a thusawi an note lai tihchhuah a ni.
Kum 2010 khan a hna chawlhsanin Kim Jong Un unaunu Kim Yo Jong hnenah thuneihna a hlanchhawng a, mahse, public event hrang hrangah la inlan rengin Kim family te nen inzawmna tha tak an nei reng bawk.
“Kim Jong Un pawhin Kim Ki Nam chu kum tam tak chhung chu propaganda position pawimawh berah a dah a, a pa ang bawkin Kim Ki Nam kha a ring em em a, innghah nan a hmang a ni” tiin Rachel Lee, Senior Fellow, US-based think tank 38 North Program chuan a sawi.
Lee chuan Rodong Sinmun chuan Nilaini khan frontpage pum chu Kim Ki Nam thihna kaihhnawihin a hnawhkhat vek a, chu chu an zahzia lantirna a ni a ti bawk.
Leif-Eric Easley, Seoul a Ewha University professor chuan Kim Ki Nam thihna chuan North Korea propaganda era a tawp tih a lantir tiin a sawi.
“Pyongyang regime Korean Peninsula leh a piah lam thlenga ropui taka lantir tlattu a ni,” tiin a sawi.