Khawvela Students’ Union lian ber nia sawi thin Delhi University Students’ Union hruaitu thlanna chu September 27 khan neih a ni a. National Student’s Union of India Mizoram president RB Lalmalsawma pawh a tel.
DUSU thlanna hi nilengin phase hniha neih a ni a. Zing dar 8.30 leh chawhnu dar 1.00 inkarah day class-a inziaklut zirlaiten vote an thlak a. A thawhnihna chawhnu dar 3.00 leh zan dar 7.00 inkarah zan lama class neiten vote an thlak a ni.
University-in data a neih danin, vote thlak thei zirlai 145893 velin vote an nei a ni. Akhil Bhartya Vidyarthi Parisad (ABVP) BJP zirlai leh National Students’ Union of India chu inbei ber an ni.
Delhi University inthlanah hian zirlai 51300 chuangin vote an thlak a. Inthlanah hian boruak a san em avang leh tharum thawhnaa campus-a thil tihchhiat a nih avangin Delhi High Court inrawlhin, court thuthlukna angin vote pawh chhiar a ni rih lo.
NSUI Mz hruaitu Students’ Union lian ber intawhkhawmnaah tel ve
