Internet chhas chungchanga hriattur pawimawh
Tunlaia online dating site hrang hrang a tam tawh hle a, hetiang hi kan ramah la hmang tangkai lutuk lo mah ila internet atanga intawnga, inngaizawng zui ta sawi tur hi kan awm ve fur tawh awm e. Hetiang, internet chhas neih chungchangah hian hriattur pawimawh a awm niin relationship lama mithiam ten an sawi a, kan rawn tarlang e.
1. Internet-a inngaihzawnna lama an tawngkam hman thin tlanglawn deuh hi chu a awmzia hriatthiam ve a pawimawh. Kan hriatthiam loh avanga talbuai phah te pawh awm thei a ni. Hriatzauna hi thil tihtheihna te pawh an tih kha maw!
2. Social media kaltlangin khaw hran daiha awm te pawh kan intawng a, hei bakah hian online dating site-a kan luh chuan mi chi hrang hrang tawn theih a ni bawk. Hetiang hunah hian rilru zau leh inhawng taka awm thiam a pawimawh a, thenkhat chu biak an nuamin an tha viau a ni thei a, thenkhat erawh ngeiawm tak tak te pawh an ni ang. Chung zawng zawng chu internet-a ngaihzawng kan zawn chuan kan tawn tur tih hriat hmasak a pawimawh.
3. I mi tawn chu tunge a nih hriatchian tum hmasak tur a ni a, social media-a thlalak an dah leh a taka an hmel landan te a danglam daih thei tih hriat reng tur a ni. Hei bakah hian inbumna a tam em em tih hriat tel bawk tur a ni a, chuvangin kan mi tawn chu a tak tak nge a nih a, a lem tih te hriat chian hmasak tum ngei tur a ni.
4. Mahni chanchin te kim chang lutuka phawrh nghal zung zung tur a ni lo va, kan mimal chanchin leh data pawimawh te phei chu hetiang social media atanga kan mitawn te hnenah pekchhuah hauh loh tur a ni a, thlalak te pawh midang hmuh atana i zahpui leh tur ang chi reng reng thawn loh tur a ni.
5. Internet-ah kan intawng a, kan inngaina ta hle a nih chuan a tak ramah inhmuh theihna remchang siam ngei tur a ni a, chutih rualin kan vawikhat inhmuhna turah hmun fianrial leh midang awm lohna hmunah kal tur a ni lo.
nternet chhas chungchanga hriattur pawimawh
