Diabetic nuin a hrin nau chuan naupan laia thau vanga natna (obesity) neih theihna risk a nei sang a, mahse, chu naupang chuan a nausen laiin a nu hnute tui thla ruk tal hne sela he risk hi a tihniam thei niin mithiam ten an sawi.
Epidemiologist Tessa Crume leh a thawhpui te chuan diabetic nuin a fahrin 94 leh non-diabetic nuin a hrin 399 te chu an pianhlim atanga kum 13 an tlin thleng an chhui zui a. Nu hnute tui an hnek danin an body mass index (BMI) a nghawng dan te an teh a ni.
Diabetic nu fahrin rau rauah, nu hnute tui thla ruk tal hne thin te chu an BMI a sang chak lo zawk a, chutiangin non-diabetic na fahrin zingah pawh hnute tui thla ruk tal hne te chu an BMI a sang chak lo zawk a ni.
He zirchianna chungchang hi Journal of Obesity-ah tihchhuah a ni.
Nu hnute hne lo thau duh
