Gujarat Chief Minister Bhupendra Patel chuan a sorkar chuan constitutional hnuaia kalpui theih a nih chuan inneih dawna nu leh pate remtihna system siam dan an zawng dawn tiin a sawi.
Hei hi Patidar community-a mi thenkhat tena inneihna awm dawnah nu leh pate remtihna tihmakmawh ni se tia an ngenna avang tiin a sawi.
Pathianni khan Mehsana a Sardar Patel Group tena event an huaihawta Patidar community te punkhawmnaah CM Bhupendra Patel chuan Health Minister Rushikesh Patel an hmeichhia pasal neia a tlan thin zirchianna neih ni se tichuan inneihnaa nu leh pate remtihna ngei a nih theih nana system siam dan zawn ni se tia a hrilh thu a sawi a.
“Patel-an hmeichhia pasal neia a thlan thin zirchianna a thar a neih ni se tichuan inneihna a awm dawnin nu leh pate remtihna lak ngei theihna a awm em tih enfiah ni se. Constitution-in a remtih a nih chuan he thil hi zirchianna neiin a tha thei ang berin kan kalpui ang,” tiin a sawi.
Opposition Congress legislator pakhat chuan chutiang system chu sorkarin assembly-ah a pharh a nih chuan a thlawp tur thu a sawi bawk a.
“Nu leh pa ten love marriage an ngai zam tawh a, sorkar hian love marriage chungchangah constitution nena inmila kalpui dan a zawng a ni,” tiin MLA Imran Khedawala chuan a sawi a.
“CM chuan love marriage-ah tihmakmawha nu leh pa remtihna lak dan tur zirchianna neih a tiam a. Chief Minister-in tawngkam a nei tawh a. Sorkarin assembly session-ah dan siama a pulut a nih chuan sorkar ka thlawp ang,” tiin a sawi bawk.
Gujarat sorkar hian kum 2021 khan Gujarat Freedom of Religion Act amend tawhin chutah chuan tihluih emaw inbumna emaw hmanga sakhua danga inleha inneih a khap a ni.
He dan hnuaiah hian thiamloh chang chu kum 10 lung in tantir theihna a ni a. Gujarat High Court ah khin niin he Act-a section thenkhat chu stay mek niin Supreme Court ah ngaihtuahin a awm mek bawk.
Nu leh pate remtihna inneihna phut thei
