okhawthar Police chuan tunhnai khan saphu kawr (Pangolin scale) kg.10, black market-a an hralh thina ang chuan cheng nuai 10 hu an man.
Immigration Check Post paltlang tur, in report loa kaltlang a tum avanga an rinhlelh dap Rosiamliana, Khawmawi Myanmar nia insawi hnen atangin saphu kawr hi man a ni a. Champhai Forest Division kuta hlan niin, an ni hian Wildlife Protection Act 1972 hmangin thubuai an siamsak a; chief judicial magistrate Champhai hnenah complaint an thehlut bawk.
Forest hotute sawi danin, tunlaiah saphur kawr hi kg. ah cheng nuai 1 velin black market-a hralh thin a ni a. Myanmar kaltlangin China-a lakluh thin niin, damdawi siamna hmanrua atana hman nia sawi a ni.
Saphu hi ramsa humhalh bik, schedule-I niin, a kawltua puh hi thiam loh chantir a nih chuan kum 3 atanga kum 7 chhung lung in tan leh a tlem berah sumfai Rs. 20000 chawi tura hrem theih a ni.
Nuai 10 hu saphu kawr man
