Kuthnathawktute eizawnna atana Hualtu khuaa terrace hmanga thlai chingtuten eizawnna tlak thlai an la thar chhuak lo tih an sawi.
The Aizawl Post-in a zawhchiannaah FOCUS (Fostering Climate Resilient Upland Farming Systems) hmalakna in integrated farming system hnuaiah Serchhip district atangin Lungchhuan, Sialsir, Rullam leh Hualtu khua chu terrace siam a, thlai ching tura thlan an ni a. Hualtua terrace siam nan leh internal road bakah tui lakna leh tuizem siam nan a vaiin cheng nuai 60 vel sum hman a ni tih Hualtu Terrace chairman Lalrinmawia chuan a sawi.
An khuaa terrace an laih chu mi 40 velin an enkawl tih sawiin, duh anga tui lakna a that loh avangin an beisei ang thlai an la thar chhuak thei lo a, an rilru pawh a hnual hle tih a sawi a ni. Khaw danga terrace enkawltute pawhin an beisei anga an la hlawhtlin pui loh thu sawiin, kuminah hian hma lak chhunzawm a, theihtawp chhuah an tum tih a sawi a ni.
Nuai 60 senga terrace siam la hlawhtlin pui lo
