Supreme Court Special Bench chuan buainain a tuam mek Haryana a Nuh district-a Vishwa Hindu Parishad (VHP) leh Bajrang Dal tena ‘demonstration’ an neih chu a ‘stay’ lo.
Justice Sanjiv Khanna kaihhruai Bench chuan “omnibus” dap famkim tak thupek tichhuakin Centre leh police te chu ‘rally’ neihnaah te tharumthawhna leh inhuatna lam hawi thusawi khap a nih theih nana hma la turin a ti.
“Inhuatna lam hawi thusawiin boruak a tihchhiain inbakkaihna a thleng tur a ni lo. Thuneitute chuan thamruthawhna leh inhuatna lam hawi sawi a awm loh nan an fimkhur tur a ni a. Union government chu rang takin State thuneitute nen inbiakpawhna an nei tur a ni a. Rule of law chu kenkawh ngei tur a ni,” tiin Justice Khanna chuan tawngkain a sawi a.
Court chuan Centre leh States te chu punkhawmna hmunah te law and order bawhchhiatna a awm loh nana hma la turin a ti bawk a. Bench chuan CCTV leh heng events hmuna video coverage te chu record humhim turin a ti bawk.
Huatna sawitu lakah FIR
Bench chuan Centre chu Supreme Court-in October 21, 2022 a thupek a siam tawha police leh State thuneitute chu hate speech sawitute lakah suo motu register tura a tihna a hrilh hre nawn a.
Court sang ber chuan October 2022 ah khan First Information Reports (FIRs) chu hate speech sawitu lakah ‘eng sakhaw zuitu pawh ni se India rama secular characterister humhim nan’ criminal proceedings kalpui tur a ni tiin a sawi a.
Additional Solicitor General S.V. Raju chuan Centre chuan thil duhawm lo thleng thei tur dang turin hma a la tia sawiin “Court thupek zawma tihlawhtling tur kan ni,” tiin Raju chuan a sawi.
Senior advocate C.U. Singh leh Nizam Pasha tena ngenna an siamah “Protest March 23 lai capital pana awmin thenawm Haryana state ah thamrumthawhna a thleng a ni,” an ti a.
Notice chuan events huaihawt chu ‘demonstrations’ a tih laiin hate speech kaihhnawih a awm ngei a ni an ti bawk a.
Hate Speech thleng ngei
“Hate speech a thleng ngei a. Sensitive area-ah demonstration panga vel lai kalpui tum a ni” tiin Singh chuan a sawi bawk a.
Justice Khanna chuan thuneitute chuan tharumthawhna a thlen loh nana a venna lama hmalakna tur an hre tur a ni a ti.
“Eng sorkar mahin an huam chhunga tharumthawhna thleng an duh lo,” tiin Justice Khanna chuan Singh hnenah a sawi zui bawk a.
He case hi Singh an Bench hran pahnihah ngaihtuah tura a ngen leh Supreme Court chu inrawlh rang tura a ngen avangin Special bench chuan Zirtawpni a ngaihtuah turin a ti zui a.
October 2022 khan court sang ber chuan hate sepech chuan boruak chhe takin a siam thei a ti a. “Constitution chuan Bharat chu secular ram leh inunauna mimal leh ram inpumkhatna chu Preamble principle ber pakhatah a dah a ni” tiin a lo sawi tawh a. Community leh caste hrang hrang te lungrual taka an chenho theih loh chuan inlungrualna a awm thei lo a ti bawk.
Monu Manesar awmna hre lo
Haryana Chief Minister Manohar Lal Khattar chuan state chuan Monu Manesar, tun buainaa sulsutu bera ngaih chu a awmna chin an hre lo tiin a sawi.
“A lakah Rajasthan sorkarin case an siam a ni,” tiin Khattar chuan a sawi a.
“Rajasthan sorkar hnenah amah an chhui a ngaih chuan kan puih theih thu ka hrilh a. Tunah chuan Rajasthan Police ten an chhui mek a ni. Keini chuan khawiah nge a awm kan hre lo va, tunah an kawl tawh nge tih pawh kan hre hek lo,” tiin a sawi.
Monu Manesar hi kumin February thlaa Rajasthan-a Jodhpur a mi pahnih tihlumtua ngaih niin tlanchhe mek a ni bawk a. Tun tumah pawh video thinrimna nasa tak siam thei thehdarhtu a puh a ni bawk a.
Nuh-a Hindu Vishwa Parishad tena sakhaw thila kawngzawhna an neihah pawh a tel ru ve tih a ni a. Hei vang hian mi thenkhatte chuan kawngzawh laiin lungin an vawm a, a tlanchhe hman tia sawi a ni bawk.
Thawhtannia Haryana a kawngzawhna atanga buaina chhuak hian Gurugram leh a chhehvel tuam mekin chu chu Delhi thenawm lawk a ni bawk a.
Gurugram-ah chuan Thawhlehni a dawr te hal a nih avangin prohibitory order khauh tak kalpui mek a ni a. Petrol pump ni lovah petrol leh diesel hralh pawh khap mek a ni bawk.