Nunchaku kan hriat lar tanna chu Bruce Lee kha a ni ngei ang, hmanah chuan twin-stick kan tih mai thin kha a nia. KV Saidalavi pawh hian nunchaku vai chu a hnehsawh ve khawp mai, minute khatah mi lu chunga coconut an dah 68 a vai keh hman a, Guinness World Record a siam. A hmaa hetiang record siamtu pawh amah, Saidalavi tho hi niin, a record hmasaah chuan minute khatah coconut pum 42 a vai keh hman a, he record hi a rawn khum leh ta a ni. Saidalavi hian Lo Show Dei Record, Milan, Italy-ah record hi a siam a ni.
Mi paruk an thu kual a, an chhipah dah chhan neiin coconut pum khat an dah zel a, chu chu Saidalavi hian a nunchaku chuan a chhuk zawng ngei maiin a vaw keh ta pawp pawp mai a, han vuak thelh hlauh sela chu an nunchaku chuan coconut chhipchhuantu lu chu a kuk fawk fawk mai dawn tihna a ni a, anni ho tan pawh hian ‘den ve fia fia tak tur chu a ni.
Indian zingah coconut hmanga record siam hi an awm nual tawh a, hman deuh khan Andhra Pradesh a cheng Prabhakar Reddy chuan a zirlai pakhat chhuat-ah mut tirin, a pang dek deuh thawin coconut an rem kual a, chu chu mit tuam chungin tubohin a chhu keh a, minute khatah coconut pum 49 chhu keh hmanin record a siam a, kerala lam mi Abheesh Dominic pawhin minute khatah a kut pakhat chauh hmangin coconut pum 122 a chum keh vek hman a, record a lo siam tawh bawk a ni.
Nunchaku hmanga mi lu chunga coconut vuak keh record siam
