Environment humhalhtu pawl Association for Environmental Preservation (ASEP) chuan Mizoram nungcha thenkhat chu mang mai thei dinhmunah an ding tih an sawi.
ASEP thuchhuak chuan, mihring nunphung dik tawk loh vangte, hmasawnna lo thang zel vangte, ramngaw chereu zel avangte in kan ram nungchate chu dinhmun derthawng takah an ding mek a. A tam zawk phei chu mang thut thei dinhmunah an awm tih a sawi.
‘Kan rama kan neih thin Samak, Sangai, Saritawm, Zawngdulinu te leh nungcha thenkhat chu kan nei tawh lo a. Sakei, Sai, Ramsial, Samang leh ramsa engemawzat chu an dinhmun a derthawng takzet. Chutiang bawkin sava leh nungcha tenau lamah pawh a ni tho,’ a ti.
Ngun taka ngaihtuah a, kan ram rohlute humhalh turin mitin kan pawimawh tih hre thar turin an chah tih an sawi a ni.
Nungcha thenkhat mang thei thut an awm – ASEP
