Larry McDonnell leh Jessica Burns-McDonnell te chu Guinness World Records-in khawvela nupa insân hleih berah a puang a, an insân hleihna hi 86.36 cm (feet 2 leh inches 9) a tling. Anni nupa hi West Virginia, USA a cheng an ni. Jessica hi a sang zawk niin, 177.8 cm (feet 5 leh inches 10) a sang a ni a, Larry hi dwarfism avanga tawi niin, 91.44 cm (feet 3) a sang a ni ve thung.
An intawn tirh chuan Larry hi kum 42 a ni tawh a, Jessica pawh kum 40 mi a ni tawh a, naupan deuh lai atanga inhre tawh ni mah se an kum upat deuh hnua inhmel duh ta chauh an ni. 2006 nipui lai khan in-date tan a, hemi kum vek December thlaah an inkutsui ta a ni.
An nupa hian fa pali- Olivia, kum 16, Daxx, kum 15, Victoria, kum 12 leh Felix, kum 1, te an nei tawh a, Facebook lamah nupa insan hleih ber record chungchang an hmu fuh a, record siamtu James leh Chloe Lusted te insan hleihna 56.8 cm (feet 1 leh inches 10) aiin an insan hleih zawk tih an hre ta a ni.
Nupa insân hleih ber
