2006 khan internet atangin an intawng a, kum 15 hnuah an innei ta a, Guinness World Record, nupa, an pahniha san zawng belhkhawma tawi ber record an siam. Paulo Gabriel da Silva Barros leh Katyucia Lie Hoshino te an ni a, Brazil a cheng an ni.
Paulo, kum 31, leh Katyucia, kum 28, te chuan, “Kan pianphungah kan tawi a ni mai thei, mahse, rilru lian leh inhmangaihna ngah tak kan ni. Kan nunah hian harsatna chi hrang hrang kan hmachhawn ve a, mahse, chung harsatna te chu hlim taka paltlang dun zel kan tum a ni,” an ti.
Guinness World Records-in a tarlan danin Paulo hi 90.28 cm (inches 35.54) a sang niin, Katyucia i 91.13cm (inches 35.88) a sang an ni a, an pahniha san zawng belhkhawm cu 181.41 cm (inches 71.42) niin, hei hi khawvela nupa san zawng belhkhawma tawi ber record a ni.
Nupa tawi ber
