Champhaia a nupui hlui kaphlumtua puh Lalropianga chu Zokhawthar kaltlangin Myanmar lamah a tlanbo nia sawi a ni.
Thudawn danin, February 15 zan dar 6.45 vel khan Champhai Kanan Venga awm Siamngunpari (46) chu a pasal hlui nia sawi Lalropianga (43) chuan an chenna inah luhchilhin tualchher silaiin a kap a, a hmunah a thi nghal.
Tualthattua puh Lalropianga hian a hma in Champhai Electric Venga a hmelhriatte lirthei an hriat lohin a tlanchhuah pui a, he lirthei hi a nupui hluite chenna panna atan leh a hnua tlanbo atan a hmang nia hriat a ni. Lirthei neitute hian an lirthei a lakchhuah thu hi police-te hnenah an thlen a, tualthahnaa a inhnamhnawih thu hi hriat zui a ni. Lirthei hi Zokhawthar thlen hma km.1 vela hlaah hmuh a ni a. Amah hi a chin hriat zui a ni loa, Myanmar lamah a tlanbo nia ngaih a ni.
Thudawn danin Lalropianga hi heroin kawl vanga man niin, jail-ah a tang a, hei vang hian an nupa pawh an inthen phah a ni. Jail atanga a chhuah hnu ah neih leh tumin a hel thin a, a nupui hlui hian a duh tawh loa, hei vang hian thahah a lo vau fo tawh a ni.
Nupui hlui kaphlumtua puh tlanbo
![](https://theaizawlpost.org/wp-content/uploads/tap_logo-min-large.jpg)