School of Nursing, Christian Hospital Serkawn chuan November 15 khan ‘Graduation and Lamp Lighting Ceremony’ an hmang a. Baptist Church of Mizoram assistant general secretary i/c Service Rev. R. Lalnunzira’n a hmanpui.
School of Nursing Christian Hospital principal Hmingthanmawii Pachuau chuan bati chhiin zirlai lut tharte lukhum a khumtir a, zirlaiten thutiam an sawirual zawhah hmanpuitu hian GNM zir chhuakte certificate a hlan a. Christian Hospital Serkawn atanga pension-a chuak ta Upa Dr LH Lalrammawia leh Upa Dr K Vanlallawma ten zirlai tithate hnena pek thin, award chi hrang hrang an sem a; BCM general secretary Rev Dr R Lalbiakliana’n GNM Result 2024-a he Nursing School atanga final year exam, top ten-a a lang mi 5 hnenah BCM aiawhin chawimawina leh lawmpuina thilpek a hlan bawk. Tun tumah hian zirlai lut thar mi 30 lukhum khumtir an ni a; GNM zirchhuak mi 19 hnenah graduation certificate hlan an ni. Kumin GNM result tihchhuahah School of Nursing Christian Hospital Serkawn hian result tha tak neiin, tun tuma graduate thar zingah mi 5 chu top-ten-ah an lang a; 3-na, 4-na, 8-na, 9-na leh 10-na an hauh.
Nurse zir zo leh zir tur pualin hmang
