Blessino Nursing School Aizawl chuan Thawhtanni khan 4th Capping & Lamp Lighting & 1st Graduation Ceremony an hmang a, minister TJ Lalnuntluanga’n hmanpuiin nursing chu eizawnna zahawm tak, ringtute tan phei chuan Isua rawngbawlna chhawmnung zeltute zing ami an ni, tiin a sawi.
Blessino Nursing School zirlai 30 chu SRHF-ZMC nursing superintendent K Lalbiaknguri’n lukhum (cap) khumtirin, bati a chhitkai sak a, hemi hnu hian nurse thutiam an sawi a ni. Blessino Nursing School atanga zirchhuak (graduate) hmasa ber mi 25 chu he nursing school principal R Lalchhanhimi’n graduation certificate a hlan bawk.