College of Nursing RIPANS chuan Zirtawpni khan anmahni hmunah National Level Continuing Nursing Education Programme an hmang a. Thupui atan “Leading with vision: Strategies for Effective Leadership in Nursing” tih hman a ni.
Hmanpuitu Higher & Technical Education minister Dr Vanlalthlana chuan nurse-te chu mipui hriselna atana pawimawh tak an nih avangin, hruiatu tha an nih a tul tih a sawi a. Damlote hamthatnana hmakhua thlir thiam a, tum mumal tak neia kaihhruai a tul tih a sawi. Thawhhona tha tak neih theih nan inhriatthiam tawn a pawimawh, tiin, inchhiar zau zel turin a chah. Hruaitu tha ni tur chuan inbiakpawhna tha a pawimawh avangin thawhpuite nen inkungkaihna tha nei zel turin a fuih bawk.
National level programme hi sawrkar laipui Ministry of Health & Family Welfare-a nursing adviser Dr Deepika Cecil Khakha leh assistant director general Achala ten an hmanpui a. Training programme hi RIPANS director Dr Sanjay Dinkar Sawant leh RIPANS College of Nursing principal rof Lalfamkimi kaihhruainain, final year Msc Nursing zirlaiten an buatsaih a ni.
Nursing zirlaite intuaithar
