NY-a thlawhna leh kang thelh lirthei insu-ah pilot pahnih thi
New York-a LaGuardia Airport-ah mi tam tak phur Air Canada thlawhtheihna chu kang thelh lirthei nen an insu a, pilot pahnih an thi.
Damdawi inah mi 41 hruai an ni tih Port Authority hotu, Kathryn Garcia-i’n a sawi a. An zinga 32 chu chhuahtir lehnghal an ni a, mi dangte erawh chuan hliam na tak an tuar.
New York City Mayor Zohran Mamdani-a chuan ‘insutna lungchhiatthlak tak’ tiin a sawi a, National Transportation Safety Board chuan Pathiannia thil thleng hi an chhui mek tih a sawi.
“A buaipuitu hmasate chungah lawmthu ka sawi a, an chet ranna hian nunna a chhanhim a ni,” a ti.
Tumhmun hi zankhua leh a chawhm lam thleng khar phah a ni a, tual chhung huna Thawhtanni chawhnu dar 02:00 (India-a Thawhlehni zing dar 12:30)-ah hawn leh a ni a. Thlawhnaa chuan tumte pawh an intlar thui hman hle.
Pathianni zan dar 11:40 (India-a Thawhtanni zing dar 09:10) khan Montreal atanga thlawk Air Canada Flight 8646 hi a tum hnu lawkah tarmac-ah kang thelh lirthei nen hian an insu a ni.
Port Authority of New York leh New Jersey atanga kang thelhtuten an buaipui nghal tih Garcia-i chuan thuthar lakhawmtute hnenah a sawi.
LaGuardia-a air traffic control tower atanga audio-ah chuan staff pakhatin: “Truck One, stop, stop, stop!” tia an insut hma second eng emaw zat a au tih a lang.
Thlawhna hi CRJ 900 model niin passenger 72 leh thawktu pali phur niin a chuangte hi hriat vek an ni tawh tih Garcia-i chuan a sawi a, an sut lirtheia chuang sergeant leh police officer-te chu damdawi inah dah niin an ‘nunna atana hlauhawm hliam an nei lo’ a ti bawk.
NY-a thlawhna leh kang thelh lirthei insu-ah pilot pahnih thi
