Mizorama MP inthlan atana police observer K Satyanarayana bakah expenditure observer pahnih – Arvind Sharma leh Anita Rinesh te chuan Ningani khan larsap Dr Hari Babu Kambhampati chu Raj Bhavan-ah an hmu.
Police observer chuan Lok Sabha inthlanpui inbuatsaihna a hrilh a. Larsap chuan MP inthlan turah hian Mizoramin inthlan hmasaa an lo neih thin anga inthlan felfai leh thianghlim tak an neih theih ngei a beisei tih observer-te hi a lo hrilh a. Mizoram People’s Forum chu inthlan felfai leh thianghlim tak neih theihna atana mawhphurtu pawimawh tak a ni, tiin, mipui pawhin dan leh thupek an ngaipawimawhin an zawm tha thin hle tih a sawi a ni.
Larsap leh observer-te hian Lok Sabha inthlanpui kaihhnawih thil pawimawh dang an sawiho bawk.
Observer-ten larsap an kawm
