Mizorama Lok Sabha inthlanpui atana police observer-a ruat K Satyanarayan, IPS leh expenditure observer Anita Rinesh, IRS hoin Inrinni khan Lungleiah inthlan inpuahchahna thlirin district thuneitute leh election official-te an thukhawm.
Lunglei SP J Lalmuankima chuan boruak muanawm tak hnuaia inthlan felfai leh thianghlim tak a awm theih nana police-te inpuahchah dan powerpoint presentation hmangin a sawifiah a. Election Expenditure Monitoring nodal officer Donny Lalruatsanga’n election expenditure kaihnawih thil an vil dan leh hmalakna a sawi.
Observer pahnih hian Lok Sabha inthlan atana Lunglei district inpuahchahna tha an tih thu sawiin, DEO leh election official-te thawhrimnaah lawmthu an sawi a ni.
Police observer chuan Mizoramin boruak muanawm tak hnuaia inthlan an kalpui dan chu India ram state dangte tana entawn tlak, ‘model’ tling ni hiala a hriat thu sawiin, “Model code of conduct zawmthat pawh in pianpui thil ang mai a ni,” a ti.
Lunglei district-ah hian Assembly segment 6 awmin, polling station 176 a awm a; chu’ng zinga 24 chu hmeichhe hlang vil tur a ni a. Model PS 12 a awm bawk.
Observer-te hian Saikuti Hall-a EVM strong room tlawhin, hmun pakhata polling station 4 awmna Govt/ H/S Chanmari an tlawh nghal a ni.
Observer-ten Lunglei tlawh
