Election strategist Prashant Kishor chuan a Jan Suraaj campaign chu October 2-ah political party-ah a inlet ang tia sawiin Bihar Assembly poll nakuma neih turah an chuh nghal ang a ti bawk.
Kishor chuan Patna a Jan Suraaj ‘State-level workshop’ neihnaah party-a a inleh tur thu a sawi a. Workshop neihnaah hian mi thahnem tak telin legislator hlui leh socialist icon Karpoori Thakur tunu pawh a tel bawk.
“A hmaa ka sawi tawh angin October 2 ah Jan Suraaj chu political party a ni ang a, nakum Assembly poll-ah kan chuh nghal ang. Tuin nge party kaihruai ang tih te chu kimchangin kan la sawi ang” tiin Kishor chuan a sawi.
Jagriti Thakur, a pa Virendra Nath Thakur leh Karpoori Thakur Bihar chief minister hlui leh Bharat Ratna awardee nau ni bawk tel ve chu lawmawm a tih thu a sawi bawk a.
Karpoori Thakur kha Bihar-ah chuan ngaihsan em em niin State top leader te mentor niin chung zingah chuan Chief Minister Nitish Kumar leh RJD president Lalu Prasad te pawh an tel.
Thakur fa upa ber Ram Nath Thakur chu JD(U) MP ni mekin tunah Union Minister of State a ni mek bawk.
Jan Suraaj a tel zinga langsar zual dangte chu Monazir Hasan, Bihar minister hlui leh RJS leh JDU ah pawh tel ve ve tawh a, Parliament leh state legislature-a thu tawh ve ve te pawh an tel a.
RJD MLC hlui Rambali Singh Chandravanshi, discipline thil avanga legislative council atanga disqualified te, Anand Mishra, IPS officer hlui BJP ticker a Buxar a Lok Sabha candidate nih tum mahse seat chang lova Independent a ding ta tho te pawh an tel bawk a.
MP hlui leh ex-MLA ni bawk JD(U) leader Mangani Lal Mandal fanu Priyanka pawh a tel bawk a.
Kishor hian political consultancy firm IPAC dinin kum 2014 Lok Sabha poll-ah khan Prime Minister Narendra Modi poll strategist niin hlawhtlinna turu tak chanpuiin a lar phahna a ni a.
A hma pawhin kum 2015 Assembly poll-ah Nitish Kumar a thawhpui tawh a. Kumar chuan Kishor chu duh hle in kum 2018 khan JDU ah a lawm lut a, national vice-president nihna a bel nghal a, mahse, a hnu kum hnih lekah party atanga hnawhchhuahin a awm a ni.
Kum 40 pel deuh chauh Kishor hian kum 2021 a West Bengal Assembly poll-a a client Mamata Banerjee leh Trinamool Congress President ni bawk hnehna a chanpui hnuah political consultancy lam a chawlhsan ta a ni.
Kum 2020 khan Kishor chuan a home state Bihar-ah ‘Baat Bihar Ki’ campaign a kalpui bawk.
October 2-ah poll strategist Prashant Kishor an party thar din dawn ta
