Offset an kap, damdawi inah dah a ni
Rapper Offset chu April ni 6 khan Seminole Hard Rock Hotel & Casino, Hollywood, Florida kawtah silai a kah a ni a, damdawi inah enkawl mek niin, a dinhmun hi ngaituahawm lutuk a nih loh thu an puang bawk.
Seminole Country Police thuchhuahin a tarlan danin he inkahna hi April ni 6 zan dar 7 pelh hnua Seminole Hard Rock Hollywood kawta thil thleng a ni a, Offset hi Memorial Regional Hospital, Hollywood-ah dah niin, a hliam hi thihpui mai tur khawpa hlauhawm niin a lang lo. Inkahna thlenna hmunhma hi venhim nghal niin, thil thlen dan te chhui zui nghal a ni bawk.
Offset hi hip-hop trio Migos angin Quavo leh Takeoff te nen bul an tan a, Takeoff hi November 2022 khan Houston-ah kahhlum a lo ni tawh bawk. Migos ang hian Billboard Hot 100 chart top 10-a lang thei hla pali an nei a, chung zingah chuan ‘Bad and Boujee’ chu 2017 khan kar thum a No.1 thei nghe nghe a ni. A mimal angin Offset hian Hot 100 chart top 10 kai tei hla pahnih a nei tawh bawk.
Offset hi hmeichhe rapper Cardi B nen pawh an lo innei tawh a, an pahnih hian fa patum- Kulture, Wave leh Blossom te an neih hnuah an inthen a, Offset hian Cardi B nen an inneih hmain hmeichhe dang lakah fa pathum a lo nei tawh bawk.
Offset an kap, damdawi inah dah a ni
