Food Civil Supplies & Consumer Affairs minister K Lalrinliana hoin Ningani khan IOC Ltd, Railways, Revenue department, PWD, Power Grid (PGCIL) leh Aizawl DC aiawhten oil depot siamna atana ram lak tuma thil tul an sawiho.
Oil depot hi Sihhmui rama siam tum niin, hemi atan hian acre 24-a zau ram leh a kalpawhna atan acre 7-a zau ram lak tum a ni a. Relin a kalpawhna tur hi lei verha siam tum a ni. Depot-a rel dinna tur, rail-siding siamte pawh sawiho a ni. Hemi atan hian PWD kawng kal dan siam danglam ngaite, Power Grid ban leh hrui kal dan thlak danglam ngai leh thlak dan turte sawi a ni a. Revenue department leh Aizawl DC-in ram lak dawna ruahmanna awm leh siam ngaite an sawi bawk.
Oil depot hi cheng vaibelchhe 500 hu project tur niin, oil dahkhawlna tur tank 9 awm tura ruahman a ni a, oil hi kilolitre 1500 leng tura duan a ni.
Oil depot tan ram acre 24 hauh
